(१) नियम ६४ बमोजिम जा“चबुझ गरिएकोमा सो काम समेत समाप्त भएपछि सम्बन्धित प्रहरी कर्मचारीसग स्पष्टीकरण मागिएको भए निजले तोकिएको समयभित्र स्पष्टीकरण नदिएमा वा निजले दिएको स्पष्टीकरण सन्तोषजनक नलागेमा त्यस्तो प्रहरी कर्मचारीलाई सजायको आदेश दिने अधिकारीले अनुसूची–५ बमोजिमको ढा“चामा सजायको आदेश दिन सक्नेछ र त्यसरी दिइएको सजायको आदेशको एक प्रति निजलाई दिनु पर्नेछ ।
(२) सजाय पाएको प्रहरी कर्मचारी सम्पर्कमा नरहेको भए उपनियम (१) बमोजिमको सजायको आदेश प्रचलित कानून बमोजिम निजको परिवारको सदस्यलाई बुझाउनु पर्नेछ । यसरी सजायको आदेश बुझाएकोमा सम्बन्धित व्यक्तिले सोकोे जानकारी आफूले नपाएको भनी पछि दावी गर्न सक्ने छैन । परिवारको सदस्यले सजायको आदेश बुझि नलिएमा वा परिवारको कुनै सदस्य नभेटिएमा त्यस्तो सजायको आदेश निजको घर ठेगानामा सार्वजनिक रूपमा टास गर्नु पर्नेछ ।
(३) उपनियम (२) बमोजिम सजायको आदेश बुझाए वा तामेल गरेको निस्सा वा भरपइ वा तामेली प्रति सम्बन्धित फाइलमा संलग्न गरी राख्न लगाउनु पर्नेछ ।